ഗുരുവായൂർ: ക്ഷേത്രത്തിൽ ഡിസംബർ മാസത്തെ ഭണ്ഡാരവരവായി 6,53,16,495 രൂപ ലഭിച്ചു. ഒരുകിലോ 444 ഗ്രാം 300 മില്ലിഗ്രാം സ്വർണവും എട്ടുകിലോ 25 ഗ്രാം വെള്ളിയും ലഭിച്ചു.
കേന്ദ്രം പിൻവലിച്ച രണ്ടായിരംരൂപയുടെ 14, നിരോധിച്ച ആയിരംരൂപയുടെ 16, അഞ്ഞൂറിന്റെ 38 കറൻസിയും ലഭിച്ചു. കെജിബി ഗുരുവായൂർ ശാഖയ്ക്കായിരുന്നു എണ്ണൽച്ചുമതല. ക്ഷേത്രത്തിനുപുറത്ത് വിവിധ ബാങ്കുകൾ സ്ഥാപിച്ച ഇ ഭണ്ഡാരങ്ങൾ വഴി 6,51,401രൂപയും ലഭിച്ചു.
